نصف شب میں کیڑے مار دوا اسپرے کرنے کا زیر گردش میسج جھوٹا ہے، آئی ایس پی آر

نصف شب میں کیڑے مار دوا اسپرے کرنے کا زیر گردش میسج جھوٹا ہے، آئی ایس پی آر

تیزی سے پھیلنے کے بعد سوشل میڈیا پر غلط خبروں، مذاق بنانے اور دیسی ٹوٹکوں کی بھرمار نظر آرہی ہے۔

کسی بھی آن لائن افواہ کو آگے بڑھانے سے قبل یہ ضروری ہے کہ اس کی تصدیق کی جائے۔

اس کے لیے مقامی انتظامیہ کی طرف سے آنے والی معلومات پر نظر رکھنا، متعدد نیوز رپورٹس کا موازنہ کرنا اور معلومات کے اصل ذرائع جاننے کے لیے اہم الفاظ سے سرچ کرنا ضروری ہے۔

سوشل میڈیا پر ان ہی افواہوں میں سے ایک یہ افواہ بھی زیر گردش ہے جس میں ایک ٹیکسٹ میسج میں یہ دعویٰ کیا جارہا ہے کہ کورونا وائرس کو پھیلنے سے روکنے کے لیے فوجی ہیلی کاپٹرز نصف شب کو کیڑے مار دوا اسپرے کریں گے۔

تاہم پاک فوج کے شعبہ تعلقات عامہ (آئی ایس پی آر) کی جانب سے وضاحت کی گئی کہ 'اس معلومات میں کوئی سچائی نہیں ہے۔'

زیر گردش اس جھوٹے میسج میں کہا گیا کہ 'آج رات کو خصوصی فوجی ہیلی کاپٹرز ملک بھر کی فضا میں کورونا وائرس کے خاتمے کے لیے کیڑے مار دوا کا اسپرے کریں گے، لہٰذا رات 12 بجے کے بعد اپنے گھروں میں رہیں۔'

اس میسج میں لوگوں پر زور دیا گیا کہ وہ دوا سے بچانے کے لیے گھر کے باہر سے تمام کپڑے اور ذاتی اشیا ہٹالیں۔'

تحریر جاری ہے‎

جعلی الرٹ میں کہا گیا کہ 'رات میں جب آپ جہازوں کی آواز سنیں تو سمجھ جائیں کہ کورونا وائرس کے معاملے سے متعلق ہے۔'



ٹوئٹر پر آئی ایس پی آر کا اکاؤنٹ OfficialDGISPR@ کے نام سے موجود ہے۔